బరువు తగ్గడాన్ని ఎవ్వరూ కూడా ఎన్నో ఆరోగ్య సమస్యలకు లక్షణమని చెప్పలేరు. అయితే, ఎలాంటి డైటింగ్ లేకుండానే, బరువు తగ్గడానికి అవసరమైన వ్యాయామాలు చేయకుండానే 6 నెలల్లో శరీర బరువు 5 శాతం తగ్గిపోయిందంటే, అది ఆలోచించాల్సిన విషయమే అంటారు వైద్యులు. ఇక బరువు తగ్గడం గణనీయంగా ఉందంటే దానికి ఎన్నో కారణాలు ఉంటాయి. రక్తహీనత, థైరాయిడ్ గ్రంథి పనితీరు సక్రమంగా లేకపోవడం, మధుమేహం, కుంగుబాటు, క్యాన్సర్ మొదలైన లక్షణాలు కారణం కావచ్చు. కాబట్టి, అకారణంగా బరువు తగ్గడాన్ని నిర్లక్ష్యం చేయకూడదు. అయితే వీటిలో చాలావాటిని మంచి ఆహారం, ఔషధాల ద్వారా నయం చేసుకోవచ్చును. సమస్యను తొలిదశలోనే గుర్తిస్తే తగిన చికిత్స లభించే వీలుంది. అలా ఆరోగ్యం మెరుగుపరుచుకోవచ్చు.
ఎవరిని కలవాలి?: మొదట మీకు దగ్గరగా ఉన్న ప్రాథమిక వైద్యుడి దగ్గరికి వెళ్లాలి. ఆయన సిఫారసు చేస్తే, అవసరం అనుకుంటే సంబంధిత వైద్య నిపుణుడి దగ్గరికి వెళ్లాలి.
చికిత్సలు: కంప్లీట్ బ్లడ్ కౌంట్ (సీబీసీ) లాంటి రక్తం పనితీరు పరీక్షలు, థైరాయిడ్ స్టిమ్యులేటింగ్ హార్మోన్ (టీఎస్హెచ్), కాంప్రహెన్సివ్ మెటబాలిక్ ప్యానెల్ (సీఎంబీ), ఇక ఒత్తిడి, కుంగుబాటు ఉన్నప్పుడు డాక్టర్లు ఇచ్చే ప్రశ్నావళిని పూర్తిచేయాల్సి ఉంటుంది.