భారత మహిళా జట్టు క్రికెటర్ స్మృతి మంధానకు ఉన్న క్రేజ్ అంతా ఇంతాకాదు. లేడీ విరాట్ కోహ్లీగా అభిమానులు ఆమెను పిలుచుకుంటారు. ఈ పరుగుల యంత్రానికి ప్రేమించడమూ తెలుసని ఇటీవలే వెల్లడైంది. తన లవ్లైఫ్ గురించి ప్రకటన చేసి వార్తల్లో నిలిచింది స్మృతి.
బాలీవుడ్ ఫిల్మ్మేకర్, మ్యూజిక్ కంపోజర్ పలాష్ ముచ్చల్తో ప్రేమలో ఉన్నట్టు ఇన్స్టా వేదికగా ప్రకటించింది. తామిద్దరం ఐదేండ్లుగా రిలేషన్లో ఉన్నామని చెప్పి అభిమానులకు షాక్ ఇచ్చింది. ఈనెల 18న స్మృతి పుట్టిన రోజు జరిగింది.
ఈ సందర్భంగా పలాష్ చేసిన ఇన్స్టా పోస్టు వీరిద్దరూ పీకల్లోతు ప్రేమలో కూరుకుపోయారని తెలియజెప్పింది. ‘నువ్వులేక నేను లేను’ అన్న రేంజ్లో పలాష్ ఇన్స్టాలో పోస్టు చేశాడు. మొత్తంగా ఐదేండ్లుగా కొనసాగుతున్న ఈ జంట ప్రేమకథ స్మృతి బ్యాటింగ్లా అందంగా సాగి పోవాలని అభిమానులు కోరుకుంటున్నారు.