చిరంజీవి, వెంకటేష్, నాగార్జున, బాలకృష్ణ సరసన నటించిన నటి టబు. బాలీవుడ్లో తాజాగా క్రూ అనే సినిమాతో అలరించింది. ప్రస్తుతం అజయ్ దేవగణ్తో ‘ఔరోఁ మే కహాఁ ధమ్ థా’లో కనిపించనుంది. నీరజ్ పాండే దర్శకత్వం వహిస్తున్న ఈ సినిమా ఆగస్టు 2న ప్రేక్షకుల ముందుకు రానుంది. ఈ సందర్భంగా నిర్వహించిన ఇంటర్వ్యూలో వీఎఫ్ఎక్స్ ద్వారా యంగ్ లుక్లో కనిపించబోతున్నారా అనే ప్రశ్నకు టబు ఇచ్చిన సమాధానం వైరల్ అవుతున్నది.
‘తెరపై టీనేజ్ అమ్మాయిలా కనిపించాలని లేదు. ప్రస్తుతం నా లుక్ ఎలా ఉందో స్క్రీన్పై కూడా అలాగే కనిపించాలని అనుకుంటాను. నా వయసు తగ్గించి చూపించే సాహసాన్ని దర్శకుడు ఈ సినిమాలో చేయలేదు. తమ వయసుకు తగిన పాత్రల్లోనే ఇదివరకు నటీనటులు కనిపించేవారు. అయితే, ప్రస్తుతం వయసు ఎక్కువ ఉన్నవాళ్లు కూడా యంగ్గా కనిపించే పాత్రలు చేయడానికి ఆసక్తి చూపిస్తున్నారు. రొమాంటిక్ జానర్లో తెరకెక్కిన ఈ సినిమాలో 30 ఏండ్ల అమ్మాయిలా కనిపించ లేదు’ అని చెప్పుకొచ్చింది టబు.