తెలుపు స్వచ్ఛతకు గుర్తు. శాంతికి నిదర్శనం. రంగురంగుల దుస్తులు ఎన్ని ఉన్నా.. పిండివెన్నెలంటి వన్నెతో మెరిసిపోయే తెల్లటి దుస్తుల ముందు అన్నీ దిగదుడుపే! అయితే, తెల్లటి దుస్తులు వేసుకోవడం చాలామందికి ఇష్టమే! కానీ, వాటి నిర్వహణ మాత్రం చికాకు తెప్పిస్తుంది. రవ్వంత దుమ్ము అంటినా.. మరక కొట్టొచ్చినట్టు కనిపిస్తుంది. తెల్లటి తెలుపు తెల్లబోయేలా చేస్తుంది. పైగా అన్ని దుస్తుల్లానే.. తెల్లటి వస్ర్తాలనూ ఉతికి ఆరేస్తామంటే కుదరదు! మీ చొక్కా తెలుపు మెరుపు కన్నా మెరుగ్గా మెరవాలంటే ఈ టిప్స్ ఫాలో అవ్వండి.