ఐపీఎల్ సీజన్ ముగిసి చాలారోజులైంది. ఈ క్రికెట్ పందేరం జరిగిన ప్రతిసారీ.. దీని రూపకర్త లలిత్ మోదీ గురించి చర్చోపచర్చలు సాగడం కామన్. ఈసారీ అదే జరిగింది. కానీ, ఈసారి భిన్నంగా మోదీ కూతురు ఆలియా గురించి గొప్పగా చెప్పుకొన్నారు. ఎందుకంటే.. చెట్టు పేరు చెప్పుకొని కాయలు అమ్ముకునే రకం కాదామె! తండ్రి ఎక్కడికి వెళ్లినా.. ఎలాంటి పరిస్థితుల్లో ఉన్నా.. కావాల్సినంత ఆస్తి అయితే కూడబెట్టాడు. అయితే, తండ్రి ఆస్తిని నమ్ముకోకుండా స్వశక్తితో పైకి రావాలనుకుంది ఆలియా. తనకు ఆసక్తి ఉన్న ఇంటీరియర్ డిజైనింగ్ రంగంలో అద్భుతాలు ఆవిష్కరిస్తున్నది. బోస్టన్లోని బ్రాండీస్ యూనివర్సిటీలో ఆర్ట్ హిస్టరీలో బ్యాచ్లర్ డిగ్రీ చేసిన ఆలియా… లండన్లోని ఇంచ్బాల్డ్ (inchbald school of design) స్కూల్ ఆఫ్ డిజైన్లో ఆర్కిటెక్చురల్ ఇంటీరియర్ డిజైన్లో మాస్టర్స్ చేసింది. తర్వాత ‘ఏఎమ్ఆర్ఎమ్’ ఇంటర్నేషనల్ కన్సల్టెంట్స్ లిమిటెడ్ను స్థాపించి ఇంటీరియర్ డిజైనర్గా తన ప్రయాణం మొదలుపెట్టింది. తక్కువ సమయంలోనే సొంతంగా రూ.41 కోట్లు సంపాదించింది. 2022లో బ్రెట్ కార్ల్సన్ను పెండ్లాడిన ఆమె… తాజాగా ఐపీఎల్ ఫీవర్ ముగిసినా వార్తల్లో మాత్రం విహరిస్తూనే ఉంది.