వరంగల్, నవంబర్ 20 (నమస్తే తెలంగాణ ప్రతినిధి) : సహకారం రంగంలో సేవలతోనే గౌరవం పెరుగుతుందని.. రైతులు, ప్రజల కోసం కో ఆపరేటివ్ బ్యాంకులు అందిస్తున్న సేవ గొప్పదని రాష్ట్ర పంచాయతీరాజ్, గ్రామీణాభివృద్ధి శాఖ మంత్రి ఎర్రబెల్లి దయాకర్రావు పేర్కొన్నా రు. ఆదివారం హనుమకొండలోని ఆర్అండ్బీ గెస్ట్హౌస్లో డీసీసీబీ ప్రగతి నివేదిక సమావేశంలో ఆయన మాట్లాడారు. వరంగల్ డీసీసీబీకి బెస్ట్ క్రెడిట్ గ్రోత్ అవార్డు రావడం గొప్ప విషయమని, అనతికాలంలోనే రూ.1500 కోట్ల టర్నోవర్ తీసుకొచ్చి.. పురోగతికి కృషిచేసిన చైర్మన్ మార్నేని రవీందర్రావును, డైరెక్టర్లను మంత్రి అభినందించారు. ఒకప్పుడు కూలిపోయే దశలో ఉన్న బ్యాంకులు.. ఇప్పుడు సీఎం కేసీఆర్ నాయకత్వంలో ప్రగతిబాటలో పయనిస్తున్నాయని చెప్పారు. బ్యాంకుల బలోపేతం కోసం దళితబంధు మొత్తాన్ని డిపాజిట్ చేయించడం, డైరెక్టర్ల గౌరవ వేతనం పెంచేందుకు కృషిచేస్తానని హామీ ఇచ్చారు.
రైతులు, ప్రజలకు సహకార బ్యాంకులు చేస్తున్న సేవ చాలా గొప్పదని రాష్ట్ర పంచాయతీరాజ్, గ్రామీణాభివృద్ధి శాఖ మంత్రి ఎర్రబెల్లి దయాకర్రావు అన్నారు. హనుమకొండలోని ఆర్అండ్బీ గెస్ట్హౌస్లో ఆదివారం ఏర్పాటుచేసిన వరంగల్ డీసీసీబీ ప్రగతి నివేదిక సమావేశానికి ఆయన హాజరై మాట్లాడారు. సహకార రంగంలో అందిస్తున్న సేవలతోనే గౌరవం పెరుగుతుందని చెప్పారు. గతంలో భవనాలు కూలిపోయే పరిస్థితి ఉండి సహకార బ్యాంకులు మూసివేసేవారని, ముఖ్యమంత్రి కేసీఆర్ నాయకత్వంలో ఇప్పుడు కొత్త భవనాల్లో కొలువుదీరి అద్భుత ప్రగతి సాధిస్తున్నాయని పేర్కొన్నారు. వరంగల్ డీసీసీబీకి బెస్ట్ క్రెడిట్ గ్రోత్ అవార్డు రావడం గొప్ప విషయమని.. ఈ ఘనత సాధించడానికి కృషిచేసిన అందరికీ అభినందనలు తెలిపారు. సహకార బ్యాంకులను మరింత బలోపేతం చేసేందుకు డిపాజిట్లను పెంచుతామని, దళితబంధు మొత్తాన్ని డీసీసీబీలో డిపాజిట్ చేసేలా కృషిచేస్తానని హామీ ఇచ్చారు. అలాగే డైరెక్టర్ల వేతనాలు త్వరలోనే పెరుగుతాయని తీపి కబురు చెప్పారు. డీసీసీబీ చైర్మన్, డైరెక్టర్ల ప్రొటోకాల్ అంశంపై సీఎం కేసీఆర్ సానుకూలంగా ఉన్నారని తెలిపారు.
బెస్ట్ క్రెడిట్ అవార్డు రావడం అభినందనీయం
వరంగల్ డీసీసీబీ 2019లో రూ.870 కోట్ల టర్నోవర్ ఉండేది. ఇప్పుడు రూ.1500 కోట్లకు పెంచారు. డీసీసీబీకి బెస్ట్ క్రెడిట్ గ్రోత్ అవార్డు రావడం చాలా గొప్పది. ‘వరంగల్ డీసీసీబీ పురోగతి కోసం కృషిచేసిన చైర్మన్ మార్నేని రవీందర్రావు, డైరెక్టర్లు, సిబ్బంది అందరినీ అభినందిస్తున్నా. అప్పట్లో కృష్ణా, గుంటూరు, ఏలూరుకే ఈ అవార్డులు వచ్చేవి. ఈ రోజు మన వరంగల్కు రావడం అభినందనీయం. మహిళలకు స్వయం సహాయక గ్రూపుల ద్వారా ఎకువ రుణాలు ఇవ్వడం మంచిది. డీసీసీబీ బ్రాంచీలు ఎకువగా పెంచడం అభినందనీయం. ఎడ్యుకేషన్ లోన్స్ ఇవ్వడం వల్ల లబ్ధిపొందిన కుటుంబాలు మనల్ని ఎప్పటికీ మరిచిపోవు. సీఎం కేసీఆర్ నాయకత్వంలో గ్రామాలు బాగుపడ్డాయి. గ్రామాలు పరిశుభ్రంగా ఉన్నాయి. ముఖ్యమంత్రి వ్యవసాయరంగాన్ని ఎంతో బలోపేతం చేశారు. గతంలో భూములు అమ్ముకున్న వాళ్లు ఇప్పుడు తలలు పట్టుకుంటున్నారు. రైతుల విషయంలో దేశంలో మనం ఆదర్శంగా ఉన్నాం. గతంలో పొలాలు ఎండిపోయేవి. మోటర్లు, స్టార్టర్లు కాలిపోయేవి. ఇప్పుడు రైతులకు ఎన్నితీర్ల లాభాలు చేయాలో అన్నీ జరుగుతున్నాయి.
రైతుబీమా కింద రూ. 50 వేలు ఇచ్చేందుకు గతంలో తిప్పించుకునేవాళ్లు. రైతుబీమా కింద ఇప్పుడు రూ.5 లక్షలు వెంటనే వస్తున్నాయి. మంచి నాయకులు మంచి ప్రభుత్వం ఉండడం మన అదృష్టం’ అని అన్నారు. డీసీసీబీ సాధించిన అభివృద్ధిని, చేస్తున్న కార్యక్రమాలను, భవిష్యత్ లక్ష్యాలను చైర్మన్ మార్నేని రవీందర్రావు పాయింట్ ప్రజెంటేషన్ ద్వారా మంత్రికి వివరించారు. 2019లో కొత్త పాలకవర్గం వచ్చినప్పటి నుంచి వరంగల్ డీసీసీబీ ప్రగతిపథంలో ముందుకు సాగుతున్నదని చెప్పారు. 27 బ్రాంచీలతో ఎక్కువ మంది ప్రజలకు చేరువయ్యామని పేర్కొన్నారు. మరో 10 బ్రాంచీల ఏర్పాటు కోసం త్వరలోనే అనుమతి రానున్నదని చెప్పారు. సహకార సంఘాల ఆధ్వర్యంలోనే మార్కెట్ ధర కంటే తక్కువకు 50 శాతం ఎరువులను అమ్ముతున్నామని తెలిపారు. సీఎం కేసీఆర్ నాయకత్వంలో తెలంగాణ ప్రభుత్వ విధానాల వల్ల రైతులు సంతోషంగా ఉన్నారని అన్నారు. సమావేశంలో బ్యాంకు డైరెక్టర్లు, సీఈవో, సీజీఎం పాల్గొన్నారు.