జనగామ, జూన్ 26 (నమస్తే తెలంగాణ) : ఆరు నెలలుగా బకాయి ఉన్న వేతనాలు చెల్లించాలని, ఇతర సమస్యలను పరిష్కరించాలని డిమాండ్ చేస్తూ బుధవారం జనగామ కలెక్టరేట్ ఎదుట గ్రామపంచాయతీ కార్మికులు ధర్నా నిర్వహించారు. సీఐటీయూ ఆధ్వర్యంలో రైల్వే స్టేషన్ నుంచి కలెక్టరేట్ వరకు ర్యాలీ నిర్వహించిన అనంతరం వినతిపత్రం అందజేశారు. మల్టీ పర్పస్ వరర్ విధానాన్ని రద్దు చేసి, గతంలో మాదిరిగా కేటగిరీల వారీగా విధులు అప్పగించాలని, ఆరు నెలలుగా పెండింగ్లో ఉన్న వేతనాలను ప్రభుత్వం వెంటనే చెల్లించాలని సీఐటీయూ నాయకులు డిమాండ్ చేశారు. పెరిగిన ధరలకు అనుగుణంగా వేతనాలు పెంచాలని, ప్రమాదవశాత్తు మరణించిన కార్మికులకు రూ.10 లక్షల ఎక్స్గ్రేషియా ప్రకటించాలన్నారు. ఎన్నికలకు ముందు రేవంత్రెడ్డికి సమస్యలు చెప్పుకుంటే ప్రభుత్వం రాగానే పరిషరిస్తామని హామీ ఇచ్చి పట్టించుకున్న పాపాన పోలేదన్నారు. ప్రభుత్వం తమ సమస్యలను వెంటనే పరిషరించకపోతే రాష్ట్రంలోని 54 వేల మంది కార్మికులను ఏకం చేసి చలో హైదరాబాద్ కార్యక్రమాన్ని నిర్వహిస్తామని వారు హెచ్చ రించారు. అలాగే మహబూబాబాద్, హనుమకొండ కలెక్టరేట్ల వద్ద మున్సిపల్ కార్మికులు ఆందోళన చేశారు.