దేవరుప్పుల, ఏప్రిల్ 21: మండలంలోని అప్పిరెడ్డిపల్లికి చెందిన ప్రముఖ చిందు యక్షగాన కళాకారుడు గడ్డం సమ్మయ్యకు కేంద్ర ప్రభుత్వం సోమవారం న్యూఢిల్లీలో పద్మశ్రీ పురస్కారం అందించనుంది. ఈ మేరకు సమ్మయ్యకు కేంద్రం నుంచి ఆహ్వానం అందడంతో ఆదివారం ఆయనతోపాటు సతీమణి గడ్డం శ్రీరంజని, కుమారులు సోమరాజ్, హిమగిరి, మురళీకృష్ణ ఢిల్లీకి వెళ్లారు. సోమవారం రాష్ట్రపతి భవన్లో గడ్డం సమ్మయ్యకు పద్మశ్రీ అవార్డు అందించనున్నారు. ఢిల్లీకి చేరిన సమ్మయ్య కుటుంబానికి హోటల్ అశోకాలో విడిది ఏర్పాటు చేశారు. ప్రధాని మోదీతో పాటు అనేక మంది ప్రముఖులు అవార్డుల ప్రదానోత్సవానికి అతిథులుగా హాజరుకానున్నారు.