దేవరుప్పుల, జూలై 9: ఎస్సీకాలనీలోని డబుల్ బెడ్రూం ఇళ్లలో తాము 10 నెలలుగా ఉంటున్నామని, అధికారులు చేయాలని వేధిస్తున్నారని మంగళవారం లబ్ధిదారులు వాటర్ ట్యాంక్ ఎక్కి నిరసన తెలిపారు. ఉప్పుల నరేశ్, ఆయన భార్య ఉపేంద్ర, ఇద్దరు పిల్లలు మహీధర్, మహోదయ్తో పాటు జోగు నరేశ్, చింత కిష్టయ్య, చింత సోమయ్య ట్యాంకు ఎక్కి తమకు స్థానిక ఎమ్మెల్యే యశస్వినీరెడ్డి ఇండ్ల పట్టాలు ఇస్తామని హామీ ఇస్తేనే దిగుతామని స్పష్టం చేశారు. పోలీసులు, రెవెన్యూ శాఖ అధికారులు సర్ది చెప్పి నా వినలేదు. చివరగా తహసీల్దార్ హుస్సేన్ తాను కలెక్టర్ రిజ్వాన్ బాషా వద్దకు తీసుకుపోతానని, సమస్య తీవ్రత తెలిపి పట్టాలిప్పిస్తానని తెలపడంతో ఆందోళన విరమించారు. కాగా, కాంగ్రెస్ నాయకులు ఒత్తిడి చేయడంతోనే అధికారులు ఇండ్లు ఖాళీ చేయాలంటున్నారని లబ్ధిదారులు ఆరోపిస్తున్నారు.
దేవరుప్పులలోని డబుల్ బెడ్రూం ఇండ్లకు ఎలాంటి గ్రామ సభ పెట్టకుండా అందులో ఉంటున్నారనే విషయం నా దృష్టికి వచ్చింది. అధికారులు గ్రామసభ నిర్వహించి ప్రజల సమక్షంలో లబ్ధిదారులను ఎంపిక చేస్తే అధికారికంగా పట్టాలు వస్తాయి. ప్రస్తుతం ఉంటున్న వారు అర్హులైతే వారికే ఇండ్లు వస్తాయి. గ్రామసభలో ఎంపిక కాకపోతే మరో లబ్ధిదారుకు చెందుతాయి. ఇంకా అర్హులు మిగిలితే ప్రభుత్వం అందిస్తున్న ఇండ్లలో మొదటి ప్రాధాన్యత ఉంటుంది. ప్రతి అర్హుడికి ఇల్లు అందించే బాధ్యత తీసుకుంటా.
మా కుటుంబానికి ఉండడానికి గుడిసె లేదు. ఎంతో కష్టపడితే ఇల్లు వచ్చింది. కూలీనాలీ చేసి కట్టుకు న్నం. ఎమ్మెల్యే కాళ్లు మొక్కుతం. అధికారులకు చెప్పండి. ఖాళీ చేయిస్తే బజారున పడుతం. మూడు నెలల నుంచి నిద్రపోనిస్తలేరు. కరెంటు, నీళ్లు రాకుండ చేస్తుండ్రు. చాలా ఇబ్బందులు పెడుతుండ్రు. ఇండ్లు ఖాళీ చేయాలని అధికారులు, పోలీసులు వస్తుండ్రు.