ఖిలావరంగల్, జూలై 22: జిల్లాలో ఎడతెరిపి లేకుండా కురుస్తున్న వర్షాలతో ప్రజలు, అధికారులు అప్రమత్తంగా ఉండాలని అటవీ, పర్యావరణ, దేవాదాయశాఖ మంత్రి కొండా సురేఖ సూచించారు. సోమవారం జూమ్ ద్వారా మంత్రి వరంగల్ కలెక్టర్ సత్యశారదతో మాట్లాడారు. రానున్న మూడు రోజుల్లో భారీ వర్షాలు కురుస్తాయని వాతావరణశాఖ హెచ్చరించిందని, ప్రజలకు ఇబ్బందులు తలెత్తకుండా అధికారులు పటిష్టమైన చర్యలు చేపట్టాలన్నారు. అధికారులు గత అనుభవాలను దృష్టిలో ఉంచుకొని అప్రమత్తంగా ఉండాలని, అవసరమైతే లోతట్టు ప్రాంతాల్లో ఉన్న ప్రజలను ముందస్తుగా సురక్షిత ప్రాంతాలకు తరలించాలని సూచించారు.
కేంద్రాల్లో అన్ని ఏర్పాట్లు చేసి ప్రజలను తరలించేందుకు సిద్ధంగా జిల్లాలోని అన్ని చెరువులు నిండి ఉన్నాయని తెలిపారు. జిల్లా, మండల అధికారులు క్షేత్రస్థాయిలో ఉండాలని, ముఖ్యంగా తహసీల్దార్లు, ఆశావరర్లు, అంగన్వాడీ టీచర్లు గ్రామాల్లో క్షేత్రస్థాయిలో తిరుగుతూ ప్రజలకు ఎలాంటి ఇబ్బందులు కలగకుండా చూడాలన్నారు. పునరావాస కేంద్రాల్లో వృద్ధులకు పండ్లు, పిల్లలకు ఓఆర్ఎస్ ప్యాకెట్లు పంపిణీ చేయాలన్నారు. ఉధృతంగా ప్రవహించే వాగుల వద్ద సంకేత బోర్డులు ఏర్పాటు చేయాలన్నారు. అధికారులు 24గంటలు అందుబాటులో ఉంటూ సేవలందించాలన్నారు. జిల్లాలో ఎకడైనా వరద ఉధృతితో రోడ్లు తెగిపోయినా, ఉధృతంగా ప్రవహిస్తున్నా ఆయా ప్రాంతాల్లో గ్రామ ప్రజలు వెళ్లకుండా బారికేడ్లు ఏర్పాటు చేయాలన్నారు.
నీటిపారుదలశాఖ అధికారులు చెరువులు, కుంటల నీటిమట్టాలను ఎప్పటికప్పుడు గమనిస్తూ ప్రజలను అప్రమత్తం చేయాలన్నారు. ప్రజలు అత్యవసరమైతే తప్ప బయటకు వెళ్లొద్దని సూచించారు. మున్సిపల్ కార్పొరేషన్, మున్సిపాలిటీ, గ్రామాల్లో పారిశుధ్య కార్యక్రమాలు ఎప్పటికప్పుడు క్లోరినేషన్ చేపట్టాలన్నారు. నీటిపారుదలశాఖ అధికారులు చెరువులను నిత్యం అత్యవసర సాయం కోసం ప్రజలు వరంగల్, హనుమకొండ కలెక్టరేట్లలోని టోల్ఫ్రీ నంబర్లు 1800 425 3434, 9154225936, 1800 425 1115, గ్రేటర్ వరంగల్ మున్సిపల్ కార్పొరేషన్ కార్యాలయంలోని టోల్ఫ్రీ నంబర్ 1800 425 1980, 9701999676 విద్యుత్ శాఖకు సంబంధించిన సమస్యలను ఎన్పీడీసీఎల్ ప్రధాన కార్యాలయంలోని టోల్ఫ్రీ నంబర్ 1800 425 0028 వర్షాల నేపథ్యంలో ప్రజలు సంప్రదించాలని కోరారు. ఈ జూమ్ అదనపు కలెక్టర్ సంధ్యారాణి, జడ్పీ సీఈవో, అగ్నిమాపక శాఖ అధికారులు పాల్గొన్నారు.