హనుమకొండ, జూలై 14 : ఆయిల్పామ్ రైతుల అభివృద్ధికి కృషి చేస్తానని తెలంగాణ ఆయిల్ సీడ్స్ గ్రోయర్స్ ఫెడరేషన్ చైర్మన్ జంగా రాఘవరెడ్డి అన్నారు. ఆదివారం మండలంలోని టేకులగూడెంలోని ఆయన నివాసంలో మాట్లాడుతూ.. ఆయిల్ పామ్ సాగు వరి కంటే లాభదాయకమని అన్నారు. ఎకరాకు రూ.1.50 లక్షల నుంచి 1.80 లక్షల వరకు ఆదాయం వస్తుందని తెలిపారు.
రైతులకు రవాణా, స్టోరేజీ, మద్దతు ధర వచ్చేట్లు చూస్తామన్నారు. నాలుగు సంవత్సరాలు కష్టపడి పెంచితే తర్వాత సంవత్సరం నుంచి ఆదా యం వస్తుందన్నారు. ఆయిల్పామ్ పంటలకు వాడే డ్రిప్ ఇరిగేషన్ సేల్స్ ట్యాక్స్ను రద్దు చేయాలని కేంద్ర ప్రభుత్వానికి విజ్ఞప్తి చేసినట్లు తెలిపారు. ప్రస్తుతం 30 లక్షల ఆయిల్పామ్ మొకలు ఉన్నాయని, ఇప్పుడున్న రూ.1000 కోట్ల టర్నోవర్ను సంవత్సరంలో రూ.2వేల కోట్లకు చేర్చేందుకు కృషి చేస్తామన్నారు. రైతులకు రూ.2లక్షల రుణమాఫీని తప్పకుండా చేస్తామని అన్నారు.