జనగామ, జూలై 24(నమస్తే తెలంగాణ): బీఆర్ఎస్ రాష్ట్ర వర్కింగ్ ప్రెసిడెంట్ కేటీఆర్ బర్త్డే సందర్భంగా ఎమ్మెల్సీ పోచంపల్లి శ్రీనివాస్రెడ్డి సొంత ఖర్చుతో జనగామ జిల్లా లింగాలఘనపురానికి చెందిన మహిళలకు వెయ్యి కుట్టుమిషన్లు ‘కానుక’గా అందించారు. బుధవారం జనగామ శివారులోని యశ్వంతాపూర్ సత్యసాయి కన్వెన్షన్లో ఎమ్మెల్సీ పోచంపల్లి శ్రీనివాస్రెడ్డి తన ఫౌండేషన్ ద్వారా దాదాపు రూ.2 కోట్లు సొంత ఖర్చుతో మహిళలకు 45 రోజులు ప్రత్యేక శిక్షణ అనంతరం వెయ్యి కుట్టుమిషన్లను మాజీ మంత్రి ఎర్రబెల్లి దయాకర్రావు, మాజీ ఎమ్మెల్యే డాక్టర్ తాటికొండ రాజయ్య, రాష్ట్ర దివ్యాంగుల సంస్థ మాజీ చైర్మన్ కేతిరెడ్డి వాసుదేవరెడ్డితో కలిసి పండుగ వాతావరణంలో పంపిణీ చేశారు.
కుట్టుమిషన్లు అందుకుంటున్న వేలాది మంది లబ్ధిదారులు, వారి కుటుంబ సభ్యులు, బీఆర్ఎస్ ప్రజాప్రతినిధులు, నాయకులు, కార్యకర్తల కేరింతల నడుమ సభా వేదికపై భారీ కేక్ కట్ చేసి కేటీఆర్కు జన్మదిన శుభాకాంక్షలు తెలిపారు. లాంగ్ లివ్.. కేటీఆర్.. అంటూ పెద్దఎత్తున నినాదాలు చేశారు. కార్యక్రమంలో లింగాలఘనపురం మాజీ ఎంపీపీ చిట్ల జయశ్రీ, బీఆర్ఎస్ నాయకులు లక్ష్మి, కొండబోయిన కిరణ్కుమార్, దిండిగ మహేశ్, గువ్వల రవి, కంద్దూరి సోమిరెడ్డి, రావుల తిరుమల్రెడ్డి, ఉడుగుల భాగ్యలక్ష్మి, యాదగిరి పాల్గొన్నారు.
అధికారం కోసం కాంగ్రెస్ పార్టీ అడ్డగోలు హామీలు ఇచ్చింది. ఒక్క ఫ్రీ బస్సుతో సీఎం రేవంత్రెడ్డి మహిళలకు కొట్లాట పెట్టిండు. వారికి నెలకు రూ.2,500 ఇచ్చాడా? పింఛన్లు పెంచాడా? సీఎం రేవంత్రెడ్డి వెనకటికి ఊర్లలో తిరిగే తుపాకీ వెంకట్రాముడిలా మాట్లా డుతున్నాడు. తెలంగాణ రాకముందు మహిళల పరిస్థితి ఎలా ఉండేది. రాష్ట్రం ఏర్పడిన తర్వాత మార్పును ఎవరు తీసుకొచ్చారో ఒకసారి ఆలోచించాలి. ప్రభుత్వ ఆస్పత్రుల్లో సాధారణ ప్రసవాలను చేయించిన ఏకైక రాష్ట్రం తెలంగాణ మాత్రమే. గతంలో కాంగ్రెస్ హయాంలో ఈ పరిస్థితి ఉండేదా? మహిళలు ఆలోచన చేయాలి. కుట్టుమిషన్లు అందుకున్న మహిళలకు హాస్టళ్ల నుంచి బట్టలు కుట్టే ఆర్డర్లు ఇప్పించే బాధ్యతను తీసుకుంటా. ఇందుకోసం కలెక్టర్తో మాట్లాడుతా.
మహిళలు ఎవరిపై ఆధారపడకుండా తమ కాళ్లపై తాము నిలబడేందుకే వెయ్యి మందికి కుట్టుమిషన్లు అందించా. పోచంపల్లి ఫౌండేషన్ ద్వారా దశల వారీగా 10వేల మందికి అందించాలని నిర్ణయించా. వారికి చేతినిండా పని కల్పించి నెలకు రూ.20వేల సంపాదన వచ్చేలా బాధ్యత తీసుకుంటా. సంస్థ ఇప్పటికే 1.50 లక్షల మందికి శిక్షణ ఇచ్చింది. దీని ఆధ్వర్యంలో నిర్వహించే కేంద్రాల్లో ట్రెయినర్లుగా ఇక్కడి మహిళలకు ఉద్యోగ అవ కాశాలు లభిస్తాయి. ఒకే మండలానికి చెందిన వెయ్యి మంది మహిళలు సంఘటిత శక్తిగా ఉంటే రానున్న ఎన్నికల్లో రిజర్వేషన్లు కలిసివస్తే మీలో ఒకరు జడ్పీటీసీ, ఎంపీటీసీ, సర్పంచులు, ప్రజాప్రతి నిధులు అయ్యే అవకాశాన్ని కల్పిస్తాం. కేటీఆర్కు మీ అందరి ఆశీస్సులు ఉండాలి.. నిండు నూరేళ్లు ఆయురారోగ్యాలతో ఉండాలని దీవించాలి.