నమస్తే నెట్వర్క్ : ఉమ్మడి వరంగల్ జిల్లాలో అర్హులైన రైతులందరికీ రుణమాఫీ వర్తించేలా కృషి చేస్తామని ఆయా జిల్లాల కలెక్టర్లు, ఎమ్మెల్యేలు తెలిపారు. కాంగ్రెస్ ప్రభుత్వం రైతులకు రూ. లక్షలోపు రుణాలను గురువారం మాఫీ చేసిన సందర్భంగా సీఎం రేవంత్రెడ్డి హైదరాబాద్లో నిధులు విడుదల చేసిన కార్యక్రమాన్ని రైతులు వీక్షించేందుకు రైతు వేదికల్లో వీడియో కాన్ఫరెన్స్కు ఏర్పాట్లు చేయగా, ఆయా జిల్లాల కలెక్టర్లు, ఎమ్మెల్యేలు, అధికారులు పాల్గొన్నారు. ఈ సందర్భంగా వారు మాట్లాడుతూ మొదటి విడుతలో రూ. లక్షలోపు రుణాల మాఫీ జరిగిందని, మరో రెండు దశల్లో రూ. రెండు లక్షలలోపు వారికి మాఫీ జరుగుతుందని తెలిపారు. దీనివల్ల సన్న, చిన్నకారు రైతులకు ఆర్థిక భరోసా కలుగుతుందన్నారు.
ఈ మేరకు పలువురు రైతులు సీఎం రేవంత్రెడ్డితో వీడియో కాన్ఫరెన్స్ ద్వారా మాట్లాడారు. ఇందులో భాగంగా హనుమకొండ జిల్లా మడికొండలోని రైతు వేదికలో ఏర్పాటు చేసిన కార్యక్రమంలో కలెక్టర్ పీ ప్రావీణ్య, రాష్ట్ర ఆయిల్ ఫెడ్ కార్పొరేషన్ చైర్మన్ జంగా రాఘవరెడ్డి పాల్గొన్నారు. పరకాల పట్టణంలోని రైతు వేదికలో జరిగిన కార్యక్రమంలో స్థానిక ఎమ్మెల్యే రేవూరి ప్రకాశ్రెడ్డి పాల్గొన్నారు. వరంగల్ జిల్లా వర్ధన్నపేటలో కలెక్టర్ సత్య శారద, జేడీఏ ఉషాదయాళ్, ఏడీఏ సురేశ్కుమార్, స్థానిక ఎమ్మెల్యే కేఆర్ నాగరాజు, టెస్కాబ్ చైర్మన్ మార్నేని రవీందర్రావు, మున్సిపల్ చైర్పర్సన్ ఆంగోతు అరుణ, వైస్చైర్మన్ ఎలేందర్రెడ్డి పాల్గొన్నారు. నర్సంపేటలో అడిషనల్ కలెక్టర్ సంధ్యారాణి, చెన్నారావుపేటలో ఎమ్మెల్యే దొంతి మాధవరెడ్డి పాల్గొన్నారు. జయశంకర్ భూపాలపల్లి జిల్లా గణపురం మండల కేంద్రంలోని రైతు వేదికలో కలెక్టర్ రాహుల్శర్మ, ఎమ్మెల్యే గండ్ర సత్యనారాయణ రావు, ట్రేడ్ ప్రమోషన్ కార్పొరేషన్ లిమిటెడ్ చైర్మన్ అయిత ప్రకాష్ రెడ్డి, జిల్లా వ్యవసాయ శాఖ అధికారి విజయభాసర్ పాల్గొన్నారు.
జనగామ జిల్లా లింగాలఘనపురంలో స్టేషన్ఘన్పూర్ ఎమ్మెల్యే కడియం శ్రీహరి, వరంగల్ ఎంపీ కడియం కావ్య పాల్గొన్నారు. అలాగే జనగామ మండలం గానుగుపహాడ్ రైతు వేదికలో నిర్వహించిన కార్యక్రమంలో కలెక్టర్ షేక్ రిజ్వాన్ బాషా, భువనగిరి ఎంపీ చామల కిరణ్ కుమార్రెడ్డి, పలువురు అధికారులు పాల్గొన్నారు. మహబూబాబాద్ పట్టణ శివారు ఏటిగడ్డతండా రైతు వేదికలో కలెక్టర్ అద్వైత్ కుమార్ సింగ్, స్థానిక ఎమ్మెల్యే డాక్టర్ మురళీ నాయక్, ఎమ్మెల్సీ తక్కళ్లపల్లి రవీందర్ రావు, మున్సిపల్ చైర్మన్ రామ్మోహన్ రెడ్డి పాల్గొన్నారు. అలాగే తొర్రూరు మండలం మాటేడులో పాలకుర్తి ఎమ్మెల్యే యశస్వినీరెడ్డి, రాష్ట్ర ఫైనాన్స్ కమిషన్ చైర్మన్ సిరిసిల్ల రాజయ్య తదితరులు పాల్గొన్నారు. ములుగు జిల్లా కేంద్రంలోని రైతు వేదికలో కలెక్టర్ టీఎస్ దివాకరతో పాటు డీఏవో విజయ్చంద్ర తదితరులు పాల్గొన్నారు.