మహబూబాబాద్, ఏప్రిల్ 19 (నమస్తే తెలంగాణ): మానుకోటలో కాంగ్రెస్ అభ్యర్థి పోరిక బలరాంనాయక్ కోసం ‘జన జాతర’ పేరిట ఏర్పాటుచేసిన సభా వేదిక వద్ద ముఖ్యమంత్రి రేవంత్రెడ్డి వెయిట్ చేయాల్సి వచ్చింది. సాయంత్రం 4గంటలకు సభ ఉందని కార్యకర్తలకు సమాచారం ఉండగా, సీఎం రేవంత్ మహబూబ్నగర్ నుంచి హెలిక్యాప్టర్లో మధ్యాహ్నం 3.45గంటలకు మానుకోటలో దిగా రు. అయితే అప్పటికీ ఇంకా జనం రాకపోవడంతో కాంగ్రెస్ నాయకులు రేవంత్రెడ్డిని ఏసీ బస్సులో వెయిట్ చేయాలని చెప్పారు.
ఇలా పావుగంట, అరగంట కాదు ఏకంగా గంటన్నర జనం కోసం నిరీక్షించారు. సీఎం బస్సులోనే ఉండగా మంత్రులు సీతక్క, పొంగులేటి, తుమ్మల నాగేశ్వర్రావుతో పాటు ఎమ్మెల్యేలు స్టేజీ మీద కూ ర్చుండిపోయారు. స్థానిక ఎమ్మెల్యే మురళీనాయక్, ప్రభుత్వ విప్ రాంచందర్నాయక్ మైక్లో సభా ప్రాంగణానికి ఎడమ వైపు, కుడి వైపు కుర్చీలు ఖాళీగా ఉన్నాయని, కార్యకర్తలు వచ్చి సీట్లలో కూర్చోవాలని పదే పదే మైకులో చెప్పడం కనిపించింది. 3.45 గంటలకు అక్కడికి వచ్చిన సీఎం సభా వేదికపైకి సాయంత్రం 5.15గంటలకు వేదిక పైకి వచ్చి ప్రసంగించారు.