వరంగల్, నవంబర్ 11(నమస్తేతెలంగాణ) : వరంగల్ తూర్పు నియోజకవర్గంలో కారు జోరు కొనసాగుతున్నది. బీఆర్ఎస్ అభ్యర్థి, ఎమ్మెల్యే నన్నపునేని నరేందర్కు మద్దతుగా ఇతర పార్టీల నేతలు గులాబీ గూటికి చేరుతున్నారు. తాజాగా 42వ డివిజన్ ఇండిపెండెంట్ కార్పొరేటర్ గుండు చందన-పూర్ణచందర్, 2009 ఎన్నికల్లో తూర్పు నుంచి పోటీ చేసిన ఉద్యమ నాయకుడు అచ్చ విద్యాసాగర్, పవన్కల్యాణ్ ఫ్యాన్స్ జిల్లా అధ్యక్షుడు, జనసేన తూర్పు నియోజకవర్గ ఇన్చార్జి తాళ్లపల్లి బాలుగౌడ్ మంత్రి కేటీఆర్ సమక్షంలో బీఆర్ఎస్లో చేరారు. తూర్పు ఎన్నికల ఇన్చార్జి, మండలి డిప్యూటీ చైర్మన్ బండా ప్రకాశ్, ఎమ్మెల్యే నరేందర్, మేయర్ గుండు సుధారాణి ఆధ్వర్యంలో ఈ కార్యక్రమం శనివారం హైదరాబాద్లో జరిగింది.