హనుమకొండ చౌరస్తా, జూలై 24 : నగరంలో ‘కల్కి 2898 ఏడీ’ సినిమాలో హీరో ప్రభాస్ వినియోగించిన బుజ్జి కారు సందడి చేసింది. హనుమకొండలోని శ్రీదేవి ఏషియన్ మాల్లో బుధవారం కారును ప్రదర్శించారు. ప్రభాస్ ఫ్యాన్స్, నగరవాసులు పిల్లలు సహా కారును చూసేందుకు ఆసక్తి చూపించారు. ఫొటోలు దిగేందుకు ఎగబడ్డారు. బౌన్సర్లను నియమించి కారు చుట్టూ బారికేడ్లు ఏర్పాటు చేయడంతో కారు చూసేందుకు వచ్చినవారు నిరుత్సాహంగా బయటి నుంచే ఫొటోలు దిగి వెళ్లిపోయారు. ‘కారు ఎందుకు తీసుకువచ్చా రు.. పనిలేకనా, మేం డబ్బులు ఖర్చుచేసి సిని మా చూస్తేనే కదా సినిమా హిట్ అయ్యేది.. మ మ్మల్ని కారు వద్ద ఫొటోలు దిగనివ్వరా? అంటూ ఫ్యాన్స్, ప్రజలు గొడవకు దిగారు.
సుబేదారి, జూలై 24 : వరంగల్ పోలీసు కమిషనరేట్ పరిధిలో 53మంది పోలీసు సిబ్బంది బదిలీ అయ్యారు. బుధవారం సీపీ అంబర్ కిశోర్ ఝా ఉత్తర్వులు జారీచేశారు. బదిలీ అ యిన వారిలో నలుగురు కానిస్టేబుళ్లు, 40 మంది హెడ్ కానిస్టేబుళ్లు, 13 మంది ఏఎస్సైలు ఉన్నారు. వీరిని కౌన్సెలింగ్ ద్వారా ఎంపిక చేసుకున్న పోలీసు స్టేషన్లకు సీపీ బదిలీ చేశారు.