సంగెం/పర్వతగిరి, జూలై 19: పాఠశాలల్లో జరుగుతున్న అభివృద్ధి పనులను త్వరితగతిన పూర్తి చేయాలని అదనపు కలెక్టర్ జి.సంధ్యారాణి అధికారులను ఆదేశించారు. మండలంలోని గవిచర్ల జడ్పీహెచ్ఎస్, ప్రాథమిక పాఠశాలలో అమ్మ ఆదర్శ కమిటీల ఆధ్వర్యంలో జరుగుతున్న పనులను శుక్రవారం ఆమె పరిశీలించారు. అనంతరం అదే పాఠశాలలో ఉన్న అంగన్వాడీ కేంద్రాన్ని సందర్శించి రికార్డులను పరిశీలించారు.
తర్వాత కార్యదర్శితో మాట్లాడుతూ గ్రామంలో పారిశుధ్య పనులు బాగుండాలని, వరంగల్-నెక్కొండ ప్రధాన రహదారికి ఇరువైపులా మొక్కలను నాటించాలని సూ చించారు. కార్యక్రమంలో ఎంపీడీవో రవీందర్, ఎంఈవో ఎన్.విజయ్కుమార్, మాజీ ప్రజాప్రతినిదులు సంపత్రెడ్డి, దొనికెల శ్రీనివాస్, కమిటీ సభ్యులు, ఏపీఎం కిషన్ పాల్గొన్నారు. అలాగే, పర్వతగిరి మండలంలోని ఏనుగల్లు జడ్పీహెచ్ఎస్, పల్లెప్రకృతి వనం, మల్యాతండాలో రైస్మిల్ను అడిషనల్ కలెక్టర్ సందర్శించారు. పాఠశాలలో అమ్మ ఆదర్శ కమిటీ ఆధ్వర్యంలో జరుగుతున్న టాయిలెట్ బ్లాక్ రిపేర్లు, విద్యుత్ సౌకర్యం ఏర్పాటు తదితర పనులను పరిశీలించారు.