Warangal | సుబేదారి, ఏప్రిల్ 29: ఓ వివాహితపై ముగ్గురు యువకులు సామూహిక లైంగిక దాడికి పాల్పడ్డారు. ఈసంఘటన కేయూసీ పోలీస్ స్టేషన్ పరిధిలోని భీమారం చెరువు శివారులో జరిగినట్లు తెలిసింది. హనుమకొండ పోలీసులు కేసు నమోదు చేసి దర్యాప్తు చేస్తున్నారు. విశ్వసనీయ సమచారం మేరకు.. హనుమకొండ కిషన్పురకు చెందిన వివాహిత ఇంట్లో గొడవ పడి 27వ తేదీన అర్ధరాత్రి ఇంటినుంచి బయటి వెళ్లింది. హనుమకొండ నయీంనగర్ రంగ్ బార్ రోడ్డుపై నిలబడి ఉంది. అదే సమయంలో కేయూసీ వైపు వెళ్తున్న భీమారానికి చెందిన ఆటోడ్రైవర్ రాకేశ్, రోడ్డుపై నిలుచొని ఉన్న వివాహితను చూసి ఆటోలో బలవంతంగా ఎక్కించుకున్నాడు.
ఆటోడ్రైవింగ్ చేస్తూనే భీమారానికి చెందిన తన స్నేహితులు సతీష్, సనత్కు ఫోన్లో సమాచారం ఇచ్చాడు. వారు కేయూసీ క్రాస్రోడ్డు వద్దకు రాగా, వారిద్దరినీ ఆటో ఎక్కించుకొని చెరువు శివారు నిర్మానుష్య ప్రాతంలోకి తీసుకెళ్లి ముగ్గురు కలిసి మద్యం మత్తులో ఆమెపై లైంగిక దాడికి పాల్పడ్డారు. బాధితురాలి ఫిర్యాదు మేరకు హనుమకొండ పోలీసులు కేసు నమోదు చేసి దర్యాప్తు చేస్తున్నారు. కాగా, వివాహితపై లైంగిక దాడికి పాల్పడిన ముగ్గురు నిందితులు పోలీసుల అదుపులో ఉన్నట్లు తెలిసింది. తమదైన శైలిలో విచారిస్తున్నారు. కాగా బాధిత వివాహితకు ఇద్దరు పిల్లలు ఉన్నట్లు తెలిసింది.