హైదరాబాద్, జూలై 23 (నమస్తే తెలంగాణ): ఆంధ్రప్రదేశ్లో కూటమి ప్రభుత్వం సాగిస్తున్న అరాచక పాలన, హింసాత్మక రాజకీయాలను దేశ ప్రజల దృష్టికి తీసుకెళ్లేందుకు బుధవారం వైఎస్సార్సీపీ ఢిల్లీలో ధర్నా నిర్వహించనున్నది. ధర్నాలో హింసకు సంబంధించిన ఫొటో గ్యాలరీని, వీడియోలను ప్రదర్శించాలని నిర్ణయించింది. మంగళవారం రాత్రి ఢిల్లీకి చేరుకున్న వైఎస్ జగన్మోహన్రెడ్డి, నేతలు ఇప్పటికే రాష్ట్రపతి, ప్రధాని, కేంద్ర హోంశాఖ మంత్రితో సహా కేంద్రమంత్రుల అపాయింట్మెంట్ కోరారు. రాష్ట్రంలో 45 రోజులుగా కొనసాగుతున్న హింసాత్మక ఘటనలు, దాడులపై జగన్ వారికి ఫిర్యాదు చేయనున్నారు.
ఏపీ అసెంబ్లీలో వైఎస్సార్సీపీకి ప్రతిపక్ష హోదా ఇచ్చేందుకు మంగళవారం స్పీకర్ నిరాకరించారు. మాజీ ముఖ్యమంత్రి, వైసీపీ అధినేత వైఎస్ జగన్మోహన్రెడ్డిని వైసీపీ ఫ్లోర్ లీడర్గానే గుర్తించారు. దీంతో జగన్ ప్రతిపక్ష హోదా కోసం హైకోర్టులో పిటిషన్ దాఖలు చేశారు.