నర్మెట, జూలై 18: అప్పుల బాధలు తాళలేక ఓ యువరైతు పురుగుల మందు తాగి ఆత్మహత్య చేసుకున్నాడు. ఈ ఘటన గురువారం జనగామ జిల్లా నర్మెట మండలం కన్నెబోయినగూడెంలో చోటుచేసుకున్నది.
గ్రామానికి చెందిన తోడేటి సాంబరాజు (29) తనకున్న 3.5 ఎకరాల భూమిని వ్యవసాయానికి అనుకూలంగా మార్చాడు. అందులో సుమారు 3 బోర్లు వేయగా ఒక్క బోరు మాత్రమే కొద్దిగా నీరు పోస్తున్నది.
మూడు బోర్లకు, పంట పెట్టుబడికి సుమారు రూ.10 లక్షల వరకు అప్పులయ్యాయి. చేసిన అప్పులు ఎలా తీర్చాలో దారిలేక తీవ్ర మనస్తాపం చెంది ఈ నెల 16న పురుగుల మందు తాగాడు. దవాఖానలో చికిత్స పొందుతూ మృతి చెందాడు.