హైదరాబాద్, జూలై 21 (నమస్తే తెలంగాణ): మూడు, నాలుగు రోజుల నుంచి కురుస్తున్న వర్షాలతో రాష్ట్రవ్యాప్తంగా వాగులు, వంకలు పొంగిపొర్లుతున్నాయి. జనజీవనం స్తంభించింది. రాగ ల మూడురోజులు తేలికపాటి నుంచి భారీ వర్షాలు కురిసే అవకాశం ఉందని హైదరాబాద్ వాతావరణ కేంద్రం పే రొన్నది. ఒడిశా పరిసరాల్లో కొనసాగుతున్న అల్పపీడనం వాయవ్య దిశగా కదులుతూ ఛత్తీస్గఢ్ మీదుగా కొనసాగుతుందని వాతావరణ కేంద్రం తెలిపింది.
ఆదివారం అత్యధికంగా నిజామాబాద్ జిల్లా వేంపల్లెలో 18.5 సెం.మీ., నిర్మల్ జిల్లా మామడలో 13.8, ఖానాపూర్లో 11.9, ములుగు జిల్లా మల్లంపల్లిలో 12.7 సెం.మీ. వర్షపాతం నమోదైందని టీజీడీపీఎస్ వివరించింది. ఆదిలాబాద్, ఆసిఫాబాద్, మంచిర్యాల, నిర్మల్, నిజామాబాద్, జగిత్యాల, రాజన్న-సిరిసిల్ల, కరీంనగర్, పెద్దపల్లి, భూపాలపల్లి, ములుగు, కొత్తగూడెం, ఖమ్మం, హన్మకొండ, జనగాం, సిద్దిపేట, యాదాద్రి భువనగిరి, రంగారెడ్డి, హైదరాబాద్ , మేడ్చల్ -మలాజ్గిరి, వికారాబాద్, సంగారెడ్డి, మెదక్ , కామారెడ్డి జిల్లాలకు వాతావరణ కేంద్రం ఎల్లోఅలెర్ట్ను జారీ చేసింది.