నాంపల్లి కోర్టులు, జులై 26 (నమస్తే తెలంగాణ) : ఫోన్ ట్యాపింగ్ కేసులో పోలీసు అధికారులు కోర్టుకు రిపోర్టును సమర్పించకపోవడంపై 12వ అదనపు చీఫ్ జ్యుడీషియల్ మెజిస్ట్రేట్ ఈశ్వరయ్య ఆగ్రహం వ్యక్తం చేశారు. ప్రధాన నిందితుడు ప్రభాకర్రావు, మీడియా ప్రతినిధి శ్రావణ్కుమార్ను అరెస్టు చేయకపోవడంపై కోర్టు ప్రశ్నించింది. రిపోర్టు వేసేందుకు కొంత సమయం కావాలని 207 సీఆర్పీసీ కింద ప్రత్యేక పబ్లిక్ ప్రాసిక్యూటర్ పిటిషన్ను కోర్టుకు దాఖలు చేశారు. దీంతో ఈ నెల 31 వరకు నిందితుల రిమాండ్ను పొడిగిస్తూ ఉత్తర్వులు జారీ చేసింది. రిమాండ్ ఖైదీలుగా ఉన్న ప్రణీత్రావు, భుజంగరావు, తిరుపతన్న, రాధాకిషన్రావును శుక్రవారం కోర్టు ఎదుట హాజరుపర్చారు. అభియోగపత్రంలోని కొన్ని పత్రాలు నిందితులకు అందలేదని, వాటిని అందించాలని కోర్టు ఆదేశాలు జారీచేసింది.
హైదరాబాద్, జూలై 26 (నమస్తే తెలంగాణ) : తిరుమల శ్రీవారి సేవ ఆన్లైన్ కోటాను టీటీడీ శనివారం విడుదల చేయనుంది. ఉదయం 11 గంటలకు తిరుమల- తిరుపతి శ్రీవారి సేవ కోటా అందుబాటులోకి వస్తుంది. శ్రీవారి నవనీతసేవ మధ్యాహ్నం 12 గంటలకు, ఒంటిగంటకు పరకామణిసేవ ఆన్లైన్లో విడుదల చేస్తారు. భక్తులు https ://ttdevasthanams. ap. gov. in వెబ్సైట్ ద్వారా ఆర్జితసేవలు, దర్శన టికెట్లు బుక్ చేసుకోవాలని టీటీడీ కోరింది.