హైదరాబాద్ : కేంద్రంలో నిర్మలా సీతారామన్(Nirmala sitharaman) ప్రవేశపెట్టిన బడ్జెట్లో తెలంగాణ (Telangana) ఊసేలేదు. ఆంధ్రప్రదేశ్ విభజన చట్టానికి అనుగుణంగా నిధులు కేటాయిస్తానని చెప్పారు. కానీ, అమరావతికి మాత్రమే రూ.15 వేల కోట్లు కేటాయించారని మాజీ ఎంపీ బోయనపల్లి వినోద్ కుమార్(Vinod Kumar) అన్నారు. కేంద్ర బడ్జెట్పై(Central budget) ఆయన స్పందించారు. ఏపీలోని శ్రీకాకుళం చెన్నై కారిడార్ గురించి ప్రస్తావించారు. అదే సమయంలో హైదరాబాద్, నాగ్పూర్ కారిడార్కు కూడా నిధులు కేటాయిస్తే బాగుండేదన్నారు.
ఉత్తర తెలంగాణ జిల్లా వాసులకు ఇది ఎంతో ఉపయోగకరంగా ఉంటుందని పేర్కొన్నారు. పోలవరానికి జాతీయ హోదా ఇవ్వడం మంచిదే. కానీ, తెలంగాణలోని ప్రాజెలను పట్టించుకోకపోవడం దురదృష్ట కరమన్నారు. ఈ బడ్జెట్ కేవలం చంద్రబాబు, నితీష్ కుమార్కు మేలు జరిగేలా ఉందన్నారు. తెలంగాణ నుంచి గెలిచిన కాంగ్రెస్, బీజేపీ ఎంపీలు రాష్ట్ర ప్రయోజనాల కోసం ఇకనైనా కొట్లాడాలన్నారు. ముఖ్యంగా ఖాజీపేట్ కోచ్ ఫ్యాక్టరీ, బయ్యారం ఉక్కు కర్మాగారం, నవోదయ విద్యాలయాలు ,రైల్వే లైన్లు తదితర విషయాల్లో పట్టుబట్టి బడ్జెట్ సమావేశాలు పూర్తయ్యేలోపు సాధించుకోవాలన్నారు.
మరోసారి కేంద్ర బడ్జెట్లో తెలంగాణకు దగా.
కేంద్ర బడ్జెట్లో తెలంగాణ పేరెత్తని నిర్మలా సీతారామన్ గారు.. pic.twitter.com/vMFyynhL0v— B Vinod Kumar (@vinodboianpalli) July 23, 2024