నీలగిరి, జూన్ 16: రింగ్రోడ్డు నిర్మాణం లో భాగంగా ఇండ్లు, స్థలాలు కోల్పోతున్న బాధితులు ఆదివారం నల్లగొండలో రోడ్లు, భవనాల శాఖ మంత్రి కోమటిరెడ్డి వెంకట్రెడ్డిని ఘెరావ్ చేశారు. తమకు న్యాయం చేసే వరకు కదలనిచ్చేది లేదని రోడ్డుపై బైఠాయించారు. కొందరు మహిళలు కాళ్లు పట్టుకుని ప్రాథేయపడినా ఫలితం లేకపోయింది. తాను చేసేదేమీ లేదని, సీఎం రేవంత్ వచ్చినా ఇదే పరిస్థితి అంటూ మంత్రి పోలీసుల సాయం తో అక్కడి నుంచి జారుకున్నారు. నల్లగొండ పట్టణం మీదుగా కేంద్ర ప్రభుత్వం 565 నంబర్ జాతీయ రహదారిని నిర్మిస్తున్నది. నల్లగొండ పట్టణం నుంచి కాకుండా శివారు నుంచి రోడ్డు వేయాలని నేషనల్ హైవే అథారిటీ అధికారులు మంత్రి, స్థానిక ఎమ్మెల్యే కోమటిరెడ్డి వెంకట్రెడ్డిని కలిసి దానికి 3 ప్రతిపాదనలు చేశారు.