ముషీరాబాద్, జూలై 6: ఎస్సీ వర్గీకరణ హామీ ఇచ్చి బీజేపీ మాట తప్పింద ని,మాదిగలను మోసం చేసిందని ఎమ్మార్పీఎస్ రాష్ట్ర అధ్యక్షుడు వంగపల్లి శ్రీనివా స్ విమర్శించారు. ఎస్సీ వర్గీకరణే లక్ష్యం గా ఏర్పడిన ఎమ్మార్పీఎస్ను బీజేపీ, కాంగ్రెస్ మూడు దశాబ్దాలుగా దగా చేస్తున్నాయని ధ్వజమెత్తారు.
వర్గీకరణ కోసం వచ్చే నెల 7న హైదరాబాద్లోని ఇందిరాపార్కు వద్ద దీక్ష చేపడుతున్నట్టు వెల్లడించారు. దీక్షకు మేధావులు, ప్రజా సం ఘాలు అండగా నిలువాలని విజ్ఞప్తి చేశా రు. శనివారం విద్యానగర్లోని ఎమ్మార్పీఎస్ రాష్ట్ర కార్యాలయంలో వంగపల్లి విలేకరులతో మాట్లాడుతూ కేంద్రంలో బీజేపీ ప్రతిపక్షంలో ఉన్నప్పుడు తాము అధికారంలోకి వస్తే 100 రోజుల్లో ఎస్సీ వర్గీకరణ చేస్తామని చెప్పిందని, కానీ పదేండ్లు అధికారంలో ఉన్నా పట్టించుకోలేదని చె ప్పారు.
తాను మాదిగల పెద్దన్ననని, వర్గీకరణ బిల్లు పెట్టించే బాధ్యత తనదేనని లోక్సభ ఎన్నికల ప్రచారంలో ప్రధాని మోదీ పేర్కొన్నారని, కానీ ఇప్పు డు ఆ మాటే ఎత్తడం లేదని విమర్శించా రు. సమావేశంలో నాయకులు పొట్టపెంజర రమేశ్, బంగారి శ్రీను, యాదగిరి, వేణుగోపాల్, క్రిష్ణ, రమేశ్, రాహుల్, చందు, జీవన్ పాల్గొన్నారు.