జనగామ, మే 10 (నమస్తే తెలంగాణ) : జనగామలో ఎమ్మెల్యే పల్లా రాజేశ్వర్రెడ్డి ప్రచార రథంపై గుర్తుతెలియని వ్యక్తి రాళ్లు విసరడం కలకలం సృష్టింది. భువనగిరి పార్లమెంట్ అభ్యర్థి క్యామ మల్లేశంకు మద్దతుగా శుక్రవారం రాత్రి పట్టణంలో రోడ్షో అనంతరం ఆర్టీసీ చౌరస్తాలో ప్రజలనుద్దేశించి ఎమ్మెల్యే ప్రసంగిస్తుండగా..ప్రచార రథంపైకి గుర్తు తెలియని వ్యక్తి రాళ్లు విసిరాడు.
అవి పక్కనే ఉన్న కౌన్సిలర్ పేర్ని స్వరూప, వడ్లకొండ మాజీ సర్పంచ్ శారద, బీఆర్ఎస్ నాయకుడు రావెల రవికి తాకాయి. దీనిపై తీవ్రంగా స్పందించిన ఎమ్మెల్యే పిరికిపందల్లా దొంగచాటుగా ఉండి రాళ్లు విసరడం కాదు..మేం చెప్పేది అబద్ధం అయితే ముందుకు వచ్చి మాట్లాడాలని ఆయన సవాల్ విసిరారు.