మెదక్ : మెదక్(Medak) జిల్లాలో ఘోర రోడ్డు ప్రమాదం(Road accident) చోటు చేసుకుంది. బైక్ను లారీ ఢీ కొట్టడంతో ఇద్దరు వ్యక్తులు మృతి చెందారు. ఈ విషాదకర సంఘటన వెల్దుర్తిలో చోటు చేసుకుంది. పోలీసులు తెలిపిన వివరాల ప్రకారం.. తూప్రాన్ మండలం నాగులపల్లికి చెందిన జైపాల్రెడ్డి(45) బిహార్కు చెందిన శంభు(32) అనే వ్యక్తితో కలిసి బైక్పై వెల్దుర్తి మండలం రామంతపూర్కి వ్యవసాయ కూలీల కోసం బయలుదేరారు. ఇదే క్రమంలో ఎదరుగా వచ్చిన లారీ వారి బైక్ను ఢీకొట్టడంతో జైపాల్రెడ్డి అక్కడికక్కడే మృతి చెందాడు.
ఈ ప్రమాదంలో తీవ్రంగా గాయపడిన శంభును హైదరాబాద్ దవాఖానకు తరలిస్తుండగా మార్గమధ్యలో మృతి చెందాడు. సమాచారం అందుకున్న పోలీసులు సంఘటన స్థలానికి చేరుకున్నారు. మృతదేహాలను పోస్టు మార్టం నిమిత్తం ప్రభుత్వ దవాఖానకు తరలించారు. కేసు నమోదు చేసుకొని దర్యాప్తు చేపట్టారు. కాగా, జైపాల్రెడ్డికి భార్య లావణ్య, కుమారుడు సాకేత్రెడ్డి, కుతూరు అమ్యూల్య ఉన్నట్లు ఎస్ఐ బాల్రాజు తెలిపారు.