హైదరాబాద్ : ఇంటి స్లాబ్ కూలి ఇద్దరు వలస కార్మికులు మృతి చెందిన విషాదకర సంఘటన రాచకొండ కమిషనరేట్..పహాడిషరీఫ్ పోలీస్ స్టేషన్ పరిధిలో మామిడిపల్లి గ్రామంలో చోటు చోసుకుంది. స్థానికుల కథనం మేరకు..గ్రామంలో ఇంటి నిర్మాణం చేస్తుండగా స్లాబ్ కూలి ఉత్తర ప్రదేశ్, ఒడిషా రాష్ట్రానికి చెందిన జగదీష్ బీడీక(49) 2)తిలక్ దారి (33) అనే ఇద్దరు కార్మికులు మృతి చెందగా మరో ఇద్దరు కార్మికులు తీవ్రంగా గాయపడ్డారు.
అయితే కాంటాక్టర్ నిర్లక్ష్యమే వారి ప్రాణాలు తీసిందని మృతుల బంధువులు ఆరోపించారు. కాంట్రాక్టర్పై చర్యలు తీసుకోవాలని డిమాండ్ చేశారు. మృతదేహాన్ని పోస్ట్మార్టం కోసం ఉస్మానియా హాస్పిటల్కు తరలించారు. పోలీసులు కేసు నమోదు చేసుకొని దర్యాప్తు చేస్తున్నారు. పూర్తి వివరాలు తెలియాల్సి ఉంది.