Jr. NTR | హైదరాబాద్, జూన్ 19 (నమస్తే తెలంగాణ): హైదరాబాద్ జూబ్లీహిల్స్ హౌసింగ్ సొసైటీలో స్థలం కొనుగోలు చేసి నిర్మించిన జూనియర్ ఎన్టీఆర్ ఇంటిపై బ్యాంకు హకులకు సంబంధించిన వివాదం పై విచారణ చేపట్టాలంటూ డీఆర్టీకి హైకో ర్టు ఆదేశాలు జారీ చేసింది. ఈ వివాదానికి సంబంధించి ఇరుపక్షాల వాదనలను మళ్లీ విని నిర్ణయం తీసుకోవాలని డీఆర్టీని ఆదేశించింది. ఆ ఇంటిపై బ్యాంకులకు హక్కు లు ఉంటాయంటూ డీఆర్టీ ఇచ్చిన ఉత్తర్వులను సవాల్ చేస్తూ సినీనటుడు జూనియర్ ఎన్టీఆర్ హైకోర్టులో పిటిషన్ దాఖలు చేశా రు. దీనిపై జస్టిస్ ఆలోక్ అరాధే, జస్టిస్ జే అనిల్కుమార్తో కూడిన ధర్మాసనం విచారణ చేపట్టింది.
పిటిషనర్ తరఫు న్యాయవాది వాదనలు వినిపిస్తూ జూబ్లీహిల్స్ హౌసింగ్ సొసైటీలో 681 చదరపు గజాల స్థలాన్ని సుంకు గీత నుంచి 2007లో పిటిషనర్ కొనుగోలు చేశారని తె లిపారు. 1996లోనే ఈ స్థలాన్ని తాకట్టు పెట్టి స్థలం యజమాని రుణం పొందారని, అందువల్ల వాటిపై హకులు తమవేనంటూ ఎస్బీఐ, ఓబీసీ, ఇండస్, బ్యాంక్ ఆఫ్ బరోడా సర్ఫేసీ చట్టం కింద నోటీసులు జారీ చేశాయని వెల్లడించారు. ఈ నోటీసులను సవాల్ చేస్తూ జూనియర్ ఎన్టీఆర్ డీఆర్టీని ఆశ్రయించారని ఆయన తెలిపారు.