TS LAWCET | హైదరాబాద్ : టీఎస్ లాసెట్, పీజీఎల్సెట్ ప్రవేశ పరీక్ష నిర్వహణకు అధికారులు ఏర్పాట్లు పూర్తి చేశారు. జూన్ 3వ తేదీన మూడు సెషన్లలో కంప్యూటర్ బేస్డ్ విధానంలో నిర్వహించనున్నారు. తొలి రెండు సెషన్లకు 68 పరీక్షా కేంద్రాలు, మూడో సెషన్కు 50 కేంద్రాలను ఏర్పాటు చేశారు. మూడేండ్ల లా కోర్సుకు 36,079 మంది, ఐదేండ్ల లా కోర్సుకు 10,197 మంది, ఎల్ఎల్ఎం కోర్సుకు 4,408 మంది దరఖాస్తు చేసుకున్నట్లు వెల్లడించారు.
జూన్ 3వ తేదీన ఉదయం 9 నుంచి 10.30 వరకు, మధ్యాహ్నం 12.30 నుంచి 2 గంటల వరకు, సాయంత్రం 4 నుంచి 5.30 గంటల వరకు ప్రవేశ పరీక్షలు నిర్వహించనున్నారు. తొలి రెండు సెషన్లలో మూడేండ్ల లా కోర్సు దరఖాస్తుదారులకు, చివరి సెషన్లో ఐదేండ్ల లా కోర్సు, పీజీఎల్సెట్కు దరఖాస్తు చేసుకున్న వారికి పరీక్షలు నిర్వహించనున్నారు.