హైదరాబాద్, జూన్ 21 (నమస్తే తెలంగాణ): ప్రగతి మార్గాలైన రహదారుల నిర్మాణానికి రాష్ట్ర ప్రభుత్వం పెద్ద ఎత్తున నిధులు వెచ్చిస్తున్నది. తెలంగాణ రాష్ట్రం ఏర్పాటైన తర్వాత ఎనిమిదేండ్లలో రూ.16,231 కోట్లతో 9,616 కిలోమీటర్ల మేర రహదారుల నిర్మాణం చేపట్టింది. రూ.11,814 కోట్లతో వంతెనలు నిర్మిస్తున్నది. వీటిల్లో ఇప్పటికే 80 శాతంపైగా పనులు పూర్తికాగా, మరో రూ.1,000 కోట్లతో 512 రహదారుల అభివృద్ధి పనులు చేపట్టింది. ఉమ్మడి రాష్ట్రంలో నరకానికి నకళ్లుగా ఉన్న తెలంగాణలోని రహదారులు, ఇప్పుడు అభివృద్ధికి వారధులుగా మారాయి. నాడు తెలంగాణలో 70 శాతం సింగిల్ లేన్ రహదారులే ఉండేవి. నేడు గ్రామాల్లో సైతం డబుల్ లేన్ రోడ్లు కనిపిస్తున్నాయి.
వేల కోట్లతో రోడ్ల నిర్మాణం