హైదరాబాద్ : తెలంగాణ వ్యాప్తంగా 17 లోక్సభ నియోజకవర్గాల్లో(,Parliament elections) ఎన్నికల పోలింగ్ ప్రశాంతంగా కొనసాగుతున్నది. కాగా, రాష్ట్రంలోని ట్రాన్స్జెండర్స్(Transgenders) తమ ఓటు హక్కును(Right to vote) ఉపయోగించుకొని ఆదర్శంగా నిలిచారు. పెద్దపల్లి జిల్లా రామగుండంలో పలువురు ట్రాన్స్జెండర్స్ తమ ఓటు హక్కును వినియోగించుకున్నారు.
అలాగే నారాయణపేట జిల్లా జాజాపూర్ గ్రామపంచాయతీ పరిధి జిల్లా పరిషత్ ఉన్నతపాఠశాలలో ట్రాన్స్ జెండర్ జనని ఓటు హక్కను వినియోగించుకుంది. ఈ సందర్భంగా వారు మాట్లాడుతూ..రాజ్యాంగం మనకు కల్పించిన ఓటు హక్కును విజ్ఞతతో ఆలోచించి వేయాలన్నారు. అన్ని విధాలుగా అండగా ఉండే వ్యక్తులనే ఎన్నుకోవాలని వారు సూచించారు. ఓటు వేయడం ప్రతి పౌరుడి బాధ్యత అని పేర్కొన్నారు.