హైదరాబాద్, జూన్ 9 (నమస్తే తెలంగాణ) : టీపీసీసీ అధ్యక్షుడిగా అవకాశం కల్పించాల్సిందిగా పీసీసీ ఉపాధ్యక్షుడు జీ నిరంజన్ ఆ పార్టీ జాతీయ అధ్యక్షుడు మల్లికార్జున్ ఖర్గేకు విజ్ఞప్తి చేస్తూ ఆదివారం లేఖ రాశారు. 1971 నుంచి యువజన కాంగ్రెస్, కాంగ్రెస్లో వివిధ హోదాల్లో సేవలందిస్తూ ప్రస్తుతం టీపీసీసీలో సీనియర్ ఉపాధ్యక్షుడిగా బాధ్యతలు నిర్వహిస్తున్నట్టు పేర్కొన్నారు.
టీపీసీసీ ఎలక్షన్ కమిషన్ సమన్వయ కమిటీ చైర్మన్గా ఇటీవల జరిగిన అసెంబ్లీ, పార్లమెంట్ ఎన్నికల్లో క్రియాశీలకంగా పనిచేసినట్టు పేర్కొన్నారు. బీసీ సామాజిక వర్గానికి (మున్నూరుకాపు) చెందిన తనకు టీపీసీసీ అధ్యక్షుడిగా అవకాశం కల్పించాల్సిందిగా కోరారు.