హైదరాబాద్, మే 8 (నమస్తే తెలంగాణ): కేంద్ర మంత్రి అమిత్షా వీడియో మార్ఫింగ్ అంశంపై ఢిల్లీ పోలీసులు నమోదు చేసిన కేసులో తమ పార్టీకి చెందినవారిపై కఠిన చర్యలు తీసుకోకుండా ఉత్తర్వులు ఇవ్వాలని కోరుతూ టీపీసీసీ హైకోర్టులో పిటిషన్ దాఖలు చేసింది. ఈ పిటిషన్ గురువారం హైకోర్టు విచారణ చేసే అవకాశం ఉన్నది. ఇందులో రాష్ట్ర హోంశాఖ, డీజీపీ, సిటీ పోలీస్ కమిషనర్, ఢిల్లీ ఎస్పీ, ప్రభుత్వ ఉద్యోగులు మీరాజ్, శింకు శరణ్సింగ్లను ప్రతివాదులుగా చేర్చారు.
కేంద్ర హోంమంత్రి అమిత్ షా రిజర్వేషన్లను రద్దు చేస్తామని ప్రకటించారంటూ వీడియోను సోషల్ మీడియాలో వచ్చేలా చేశారంటూ ఢిల్లీలో ప్రభుత్వ ఉద్యోగి శింకుశరణ్సింగ్ ఫిర్యాదు ఆధారంగా అకడి పోలీసులు కేసు నమోదు చేశారు. ఈ కేసు దర్యాప్తు పేరుతో ఢిల్లీ నుంచి వచ్చామని సుమారు 150 మంది పోలీసులు టీపీసీసీ సోషల్ మీడియా కార్యదర్శులను, వారి కుటుంబసభ్యులను భయాందోళనలకు గురిచేస్తున్నారని పేరొంటూ టీపీసీసీ కార్యనిర్వాహక అధ్యక్షుడు మహేశ్కుమార్గౌడ్ పిటిషన్ వేశారు. టీపీసీసీ సోషల్ మీడియా విభాగం సెక్రటరీల వ్యక్తిగత స్వేచ్ఛను హరించే ప్రయత్నం జరుగుతున్నదని ఆరోపించారు.