యాదగిరిగుట్ట, ఏప్రిల్ 9 : యాదగిరిగుట్ట లక్ష్మీనరసింహస్వామి దివ్యక్షేత్రం భక్తులతో కిటకిటలాడింది. వరుస సెలవులతోపాటు ఆదివారం కావడంతో స్వామివారిని దర్శించుకొనేందుకు భారీగా తరలివచ్చారు. మాడవీధులు, క్యూ కాంప్లెక్స్, ప్రసాద విక్రయశాల ప్రాంగణాలు భక్తులతో నిండిపోయాయి. ధర్మ దర్శనానికి 5 గంటలు, ప్రత్యేక దర్శనానికి 3 గంటల సమయం పట్టినట్టు భక్తులు తెలిపారు. 48 వేల మంది భక్తులు స్వామివారిని దర్శించుకోగా, స్వామి వారికి రూ.63,83,277 నిత్యాదాయం సమకూరినట్టు ఆలయ ఈవో గీత తెలిపారు.