పెద్దఅంబర్పేట, జూన్ 21: టిప్పర్ కు కరెంటు తీగలు తగలడంతో షాక్కు గురై డ్రైవర్ మృతిచెందాడు. ఈ ఘటన రంగారెడ్డి జిల్లా అబ్దుల్లాపూర్మెట్ పోలీ స్ స్టేషన్ పరిధిలో శుక్రవారం చోటుచేసుకున్నది. బీహార్కు చెందిన ధీరజ్కుమార్ (19) పెద్దఅంబర్పేటలో టిప్పర్ డ్రైవర్ గా పనిచేస్తున్నాడు. భారీ రాళ్ల లోడ్తో ఉన్న టిప్పర్ను ఓఆర్ఆర్ సర్వీస్ రోడ్డు లో కొహెడ పరిధిలోని మైత్రి విల్లాస్ వెం చర్కు తీసుకెళ్లాడు. అక్కడ రాళ్లను దింపే క్రమంలో టిప్పర్ వెనుక భాగం పైకి లేవగానే కరెంటు తీగలు తగిలాయి. లారీకి విద్యుత్తు సరఫరా కావడంతో ధీరజ్కుమార్ షాక్కు గురై తీవ్రంగా గాయపడ్డాడు. వెంటనే వనస్థలిపురం ఏరియా దవాఖానకు తరలించగా.. అప్పటికే మృతిచెందినట్టు వైద్యులు తెలిపారు.