హైదరాబాద్, జూన్ 18 (నమస్తే తెలంగాణ): టీచర్ల పదోన్నతుల్లో వింతలు, విచిత్రాలు చోటుచేసుకుంటున్నాయి. ఒకే టీచర్కు మూడు పదోన్నతులు దక్కాయి. ఆదిలాబాద్లో జిల్లాలో ఓ టీచర్కు ప్రాథమిక పాఠశాల హెచ్ఎంగా, స్కూల్ అసిస్టెంట్(ఇంగ్లిష్)గా, స్కూల్ అసిస్టెంట్ (సోషల్స్టడీస్)గా పదోన్నలు దక్కాయి. సదరు టీచర్కు అన్ని రకాల అర్హతలున్నాయి. ఆయ న పెట్టుకున్న వెబ్ఆప్షన్లను బట్టి పదోన్నతులిచ్చారు. ఇలాంటివి చాలా జరిగి ఉంటాయని ఉపాధ్యాయ సంఘాలు చెప్తున్నా యి. సోమవారం రాత్రి స్కూల్ అసిస్టెంట్ పదోన్నతుల జాబితా సిద్ధమైంది. అధికారుల పరిశీలనలో ఇదే విషయం తేలడం తో ఉత్తర్వులు వెలువడలేదు. టీచర్లు మూడు పదోన్నతులు పొంది ఒకే పోస్టును ఎంపికచేసుకొంటే మిగతా వారికి అన్యా యం జరుగుతుందని, ఖాళీల్లో మళ్లీ కౌన్సెలింగ్ను నిర్వహించాలని కోరుతున్నారు.
బదిలీల ప్రక్రియ కొసాగిస్తాం: బుర్రా
టీచర్ల బదిలీలు, పదోన్నతులు ప్రక్రియ యధాతథంగా కొనసాగుతుందని విద్యాశాఖ ప్రిన్సిపల్ సెక్రటరీ బుర్రా వెంకటేశం మీడియాకు తెలిపారు. ప్రస్తుత షెడ్యూల్ కొనసాగుతుందని పేర్కొన్నారు.
ఎస్జీటీలకు పదోన్నతి కల్పించాలి
డీఎడ్, బీఎడ్ అర్హతలతో సెకండరీ గ్రేడ్ టీచర్లుగా నియమితులైన టీచర్లకు సీనియార్టీ ప్రకారం ప్రాథమిక పాఠశాల హెచ్ఎంలుగా పదోన్నతి కల్పించాలని ఉపాధ్యాయ సంఘాలు కోరాయి. తపస్ రాష్ట్ర అధ్యక్షుడు హనుమంతరావు, ప్రధాన కార్యదర్శి నవాస్ సురేశ్, టీఎస్ యూటీఎఫ్ రాష్ట్ర అధ్యక్షుడు జంగయ్య, ప్రధాన కార్యదర్శి చావ రవి కోరారు.