హైదరాబాద్, జూన్ 16 (నమస్తే తెలంగాణ): రాష్ట్రంలో మూడు రోజులపాటు తేలికపాటి నుంచి ఓ మోస్తరు వర్షాలు కురుస్తాయని వాతావరణ శాఖ ప్రకటించింది. రాయలసీమ నుంచి మధ్య బంగాళాఖాతం వరకు ద్రోణి ప్రభావంతో ఆసిఫాబాద్, మంచిర్యాల, జగిత్యాల, రాజన్నసిరిసిల్ల, కరీంనగర్, పెద్దపల్లి, భూపాలపల్లి, ములుగు, కొత్తగూడెం, ఖమ్మం, నల్లగొండ, సూర్యాపేట, మహబూబ్నగర్, వరంగల్, హన్మకొండ జిల్లాల్లో వర్షాలు కురిశాయి. ఆదివారం నుంచి 19 వరకు పలు జిల్లాల్లో భారీ వర్షా లు, కొన్ని జిల్లాల్లో ఓ మోస్తరు వర్షా లు కురిసే అవకాశం ఉన్నది. ఆదిలాబాద్, నిర్మల్, నిజామాబాద్, కామారెడ్డి జిల్లాల్లో ఉరుములు, మెరుపులు, గంటకు 30-40 కి.మీటర్ల వేగంతో ఈదురు గాలులతో భారీ వర్షాలు కురిసే అవకాశం ఉన్నదని వాతావరణ శాఖ తెలిపింది. పలు జిల్లాలకు ఎల్లో అలర్ట్ జారీ చేసింది. రైతులు, వ్యవసాయ కూలీలు, గొర్రెల కాపరులు, పశువుల కాపరులు కూడా చెట్ల కిందకు వెళ్లవద్దని, బహిరంగ ప్రదేశాల్లో నిలబడవద్దని, పిడుగుల ముప్పు దృష్ట్యా అప్రమత్తంగా ఉండాలని సూచించింది.