హైదరాబాద్, మే 28 (నమస్తే తెలంగాణ): మహబూబ్నగర్, రంగారెడ్డి జిల్లాల పరిధిలోని కొల్లాపూర్, అచ్చంపేట, నాగర్కర్నూల్, కల్వకుర్తి నియోజకవర్గాల పరిధిలోని 4500 ఆవాసాలకు 13 వాటర్ ట్రీట్మెంట్ ప్లాంట్ల నుంచి ప్రజల అవసరాలకు అ నుగుణంగా తాగునీటిని సరఫరా చేస్తున్నామని తెలంగాణ రాష్ట్ర మిషన్ భగీరథశాఖ స్పష్టం చేసింది.
రాష్ట్రవ్యాప్తం గా వేసవిలో తాగునీటి సమస్య తలెత్తకుండా చర్యలు తీసుకున్నామని, మహబూబ్నగర్, రంగారెడ్డి జిల్లాల్లో ని అన్ని ఆవాసాలకు ఎలాంటి ఇబ్బందులూ తలెత్తకుండా తాగునీటిని సరఫరా చేశామని పేర్కొన్నది. ఎక్కడైనా విద్యుత్తు కోతలు, లీకేజీలు ఉంటే.. ఆ ప్రాంతాల్లో ప్రత్యామ్నాయ ఏర్పాట్లతో తాగునీటిని సరఫరా చేసినట్టు మిషన్ భగీరథ అధికారులు తెలిపారు. ఈ నెల 21న ‘నీళ్లు ఉన్నా..నల్లా రాదు’ శీర్షికతో పత్రికల్లో ప్రచురితమైన వార్త ల్లో వాస్తవంలేదని స్పష్టం చేశారు. ఎంగంపల్లి తండాకు ట్యాంకర్లతో సరఫరా చేస్తున్నారన్న విషయంలో వాస్తవం లేదని తెలిపారు.