హైదరాబాద్, జనవరి 1 (నమస్తే తెలంగాణ): విశాఖ జిల్లా గ్యాంగ్ రేప్ ఘటనపై మహిళా కమిషన్ సీరియస్ అయింది. ఈ ఘటన కేసును సుమోటోగా స్వీకరించింది. దీనిపై సమగ్ర విచారణ చేపట్టాలని, పూర్తి వివరాలు వెల్లడించాలని విశాఖపట్నం నగర సీపీకి కమిషన్ చైర్పర్సన్ వాసిరెడ్డి పద్మ లేఖ రాశారు. నిందితులకు కఠిన శిక్ష పడేలా చర్యలు చేపట్టాలని ఆదేశించారు. బాధిత బాలిక వివరాలపై గోప్యత పాటించాలని, వైద్యసాయం, రక్షణ కల్పించాలని సూచించారు.