మహబూబాబాద్ : కాంగ్రెస్ వచ్చింది కరువును తెచ్చింది అనే మాట రాష్ట్రంలో రోజు ఏదో ఒక చోట నిరూపిత మవుతూనే ఉంది. ప్రజా పాలనల పేరుతో అధికారంలోకి వచ్చిన కాంగ్రెస్ ప్రజల సమస్యలను గాలికొదిలేసి పార్టీ ఫిరాయింపు పనుల్లో నిమగ్నమైంది. సీఎం రేవంత్ రెడ్డి పాలనలో అన్ని వర్గాల ప్రజలు సాగు, తాగు నీళ్ల (Drinking water) కోసం అల్లాడిపోతున్నారు.
తాజాగా మహబూబాబాద్ జిల్లా(Mahabubabad) బయ్యారం మండలం కొత్తపేట ఎస్టీ కాలనీ హేమ్ల తండాలో మిషన్ భగీరథ(Mission Bhagiratha) నీళ్లు ఆరు నెలల నుంచి రావడం లేదని మహిళలు (Women protested) అధికారిని రోడ్డుపై నిలదీశారు. అధికారులకు ఎన్నిసార్లు విన్నవించుకున్నా పట్టించుకోవడం లేదని వారు వాపోయారు. అధికారులు, నాయకుల దృష్టికి తీసుకెళ్లినా పట్టిం చుకోవడం లేదని ఆవేదన వ్యక్తం చేశారు. అధికారులు వెంటనే స్పందించి ట్యాంకర్లతో నైనా తాగునీరు సరఫరా చేయాలని డిమాండ్ చేశారు.