వస్త్ర పరిశ్రమ సంక్షోభాన్ని నివారించడంలో కాంగ్రెస్ సర్కారు విఫలమైందని నేతన్నలు విమర్శించారు. సిరిసిల్ల అంబేద్కర్ చౌరస్తాలో వస్త్ర పరిశ్రమ అనుబంధ సంఘాల జేఏసీ ఆధ్వర్యంలో చేపట్టిన రిలే నిరాహార దీక్షలు మంగళవారానికి రెండోరోజుకు చేరుకున్నాయి. ఈ సందర్భంగా రోడ్డుపైనే వంటావార్పుతో నిరసన చేపట్టారు. ఈ నెల 26లోగా సమస్యను పరిష్కరించకపోతే వేలాది మంది కార్మికులతో అసెంబ్లీ ముట్టడిస్తామని హెచ్చరించారు.