గార్ల, జూలై 18: కలెక్టర్ చొరవతో వృద్ధాప్యంలో ఉన్న తల్లి కొడుకుల వద్దకు చేరింది. కొడుకులు తల్లిని గెంటేయడంపై ఈ నెల 17న ‘నమస్తే తెలంగాణ’లో ప్రచురితమైన ‘అమ్మను కొట్టి గెంటేశారు’ కథనానికి కలెక్టర్ స్పందించారు. చర్యలు తీసుకోవాలని ఈ మేరకు రెవెన్యూ, పోలీస్ అధికారులను ఆదేశించారు.
గురువారం తహసీల్దార్ కార్యాలయంలో తహసీల్దార్ రవీందర్, సీఐ రవికుమార్, ఎస్సై జీనత్ కుమార్ సమక్షంలో వృద్ధురాలు గాడేపల్లి నర్సమ్మ కొడుకులు శ్రీనివాస్, కృష్ణకు కౌన్సెలింగ్ ఇచ్చారు. తప్పు తెలుసుకున్న కుమారులు తల్లికి ఎలాంటి లోటులేకుండా చూసుకుంటామని హామీ ఇచ్చారు. భవిష్యత్లో ఎలాంటి సమస్యలు రాకుండాచూసుకుంటామని వారు పేర్కొన్నారు. అనంతరం తల్లిని ఇంటికి తీసుకెళ్లారు.