శంషాబాద్ రూరల్, జూలై 19: ఓ యువకుడి అసభ్య ప్రవర్తనకు విసిగి మహిళలు అతడిని చెట్టుకు కట్టేసి కొట్టారు. ఆ దెబ్బలకు తాళలేక ఆ యువకుడు మృతిచెందాడు. రంగారెడ్డి జిల్లా శంషాబాద్లో ఘటన చోటుచేసుకున్నది. పట్టణంలోని ప్రశాశ్నగర్ కాలనీకి చెందిన రాచమల్ల కుమార్ (30) జులాయిగా తిరుగుతూ ఒంటరిగా ఉన్న మహిళల వద్దకు వెళ్లి ఒంటిపై ఉన్న బట్ట లు విప్పి అసభ్యకరంగా ప్రవర్తించేవా డు.
పలుమార్లు కాలనీ పెద్దల దృష్టికి తీసుకెళ్లినా, అతడిలో మార్పు రాలేదు. బుధవారం కాలనీ మహిళలతో అసభ్యకరంగా ప్రవర్తించి, దుర్భాషలాడాడు. దీంతో మహిళలు అతడిని చెట్టుకు కట్టెసి కొట్టారు. దెబ్బలు భరించలేక అతను మృతి చెందాడు. యువకుడి మృతికి కారణమైన కృష్ణవేణి, సంగీత, మహేశ్వరి, చంద్రకళను పోలీసులు అరెస్టు చేసి రిమాండ్కు తరలించారు.