High Court | హైదరాబాద్, జూలై 25 (నమస్తే తెలంగాణ): వర్షాకాలంలో మొక్కల పెంపకానికి చేపట్టిన చర్యలేమిటో నివేదించాలని హైకోర్టు రాష్ట్ర ప్రభుత్వాన్ని ఆదేశించింది. జనాభాకు తగ్గట్టుగా మొక్కలను, పచ్చదనాన్ని పెంచడం లేదని, పారులకు కేటాయించిన స్థలాలను రక్షించేలా ప్రభుత్వానికి ఉత్తర్వులు జారీ చేయాలని కోరుతూ దాఖలైన ప్రజాహిత వ్యాజ్యంపై హైకోర్టు ప్రధాన న్యాయమూర్తి జస్టిస్ అలోక్ అరాధే, జస్టిస్ అనిల్ కుమార్ గురువారం విచారణ జరిపింది.
రాష్ట్రవ్యాప్తంగా 749 హెక్టార్లలో లక్షల మొకలను నాటేందుకు ఏర్పాట్లు జరుగుతున్నాయని, స్థానిక సంస్థలను భాగస్వాములను చేస్తామని అదనపు అడ్వకేట్ జనరల్ మహమ్మద్ ఇమ్రాన్ఖాన్ తెలిపారు. సమగ్ర వివరాలను తెలియజేసేందుకు గడువు కావాలని కోరారు. దీంతో తదుపరి విచారణను ఆగస్టు 1కి వాయిదా వేస్తున్నామని, ఆలోగా నివేదించాలని ధర్మాసనం స్పష్టం చేసింది.