హైదరాబాద్, జూలై 23 (నమస్తే తెలంగాణ): బీఆర్ఎస్ తరఫున గెలిచి కాంగ్రెస్లో చేరిన ఎమ్మెల్యేలపై అనర్హత వేటు వేయాలనే వివాదంపై సుప్రీంకోర్టు నుంచి స్పష్టత కోరవచ్చు కదా? అని వాదప్రతివాదులకు హై కోర్టు సూచించింది. స్పీకర్కు కోర్టులు ఆదేశాలు జారీ చేయాలో లేదో అనే వ్యవహారంపై భిన్నమైన తీర్పులు ఉన్న నేపథ్యంలో సుప్రీంకోర్టును ఎందుకు ఆశ్రయించకూడదని ప్రభుత్వంతోపాటు పిటిషనర్లను ఉద్దేశించి వ్యాఖ్యానించింది. ఖైరతాబాద్, స్టేష న్ ఘన్పూర్, భద్రాచలం నియోజకవర్గాల నుంచి బీఆర్ఎస్ తరఫున గెలుపొంది కాం గ్రెస్లో చేరిన ఎమ్మెల్యేలపై అనర్హత వేటు వేయాలని కోరుతూ దాఖలైన కేసుల విచారణ గురువారానికి వాయిదా పడింది. బీఆర్ఎస్ ఎమ్మెల్యేలుగా గెలిచిన దానం నాగేందర్, కడియం శ్రీహరి, తెల్లం వెంకటరావుపై అనర్హత వేటు వేసేలా స్పీకర్కు ఉత్తర్వులు ఇవ్వాలంటూ బీఆర్ఎస్ ఎమ్మెల్యేలు పాడి కౌశిక్రెడ్డి, కేపీ వివేకానంద, ఇతరులు వేర్వేరుగా వేసిన వ్యాజ్యాలపై మంగళవారం జస్టిస్ విజయ్సేన్రెడ్డి విచారణ చేపట్టారు.