హైదరాబాద్, జూలై 15 (నమస్తే తెలంగాణ): ఎమ్మెల్యేలు దానం నాగేందర్ (ఖైరతాబాద్), కడియం శ్రీహరి (స్టేషన్ఘన్పూర్), తెల్లం వెంకటరావు (భద్రాచలం) పార్టీ ఫిరాయించి కాంగ్రెస్లో చేరడాన్ని సవాలు చేస్తూ బీఆర్ఎస్ దాఖలు చేసిన వ్యాజ్యాలపై విచారణ ఈ నెల 18కి వాయిదా పడింది. వారిపై అనర్హత వేటు వేసేలా స్పీకర్కు ఉత్తర్వులు జారీ చేయాలని కోరుతూ బీఆర్ఎస్ ఎమ్మెల్యేలు పాడి కౌశిక్రెడ్డి, కేపీ వివేకానంద వేర్వేరుగా దాఖలు చేసిన ఈ పిటిషన్లపై జస్టిస్ బీ విజయ్సేన్రెడ్డి సోమవారం విచారణ జరపాల్సి ఉన్నది. కానీ, అడ్వకేట్ జనరల్ సుదర్శన్రెడ్డి విజ్ఞప్తి మేరకు ఈ విచారణ మరోసారి వాయిదా పడింది.