జనగామ, ఆగస్టు 6(నమస్తే తెలంగాణ): జనగామ రైల్వేస్టేషన్ ఆవరణలో ఆదివారం జరిగిన అమృత్ భారత్ స్టేష న్ పునరుద్ధరణ పనుల శంకుస్థాపన కా ర్యక్రమం రసాబాసగా ముగిసింది. కార్యక్రమం నిర్వహణలో రైల్వే అధికారులు ప్రొటోకాల్ పాటించలేదని స్థానిక బీజేపీ నాయకుడు అభ్యంతరం చెప్పడంతో గొడవకు దారితీసింది. వేదికపైకి ఎంపీ కోమటిరెడ్డి వెంకట్రెడ్డిని ఆహ్వానించిన రైల్వే అధికారులు.. ఆయన సూచన మే రకే మాజీ ఎమ్మెల్యే కొమ్మూరి ప్రతాప్రెడ్డి సహా కాంగ్రెస్ పార్టీకి చెందిన పలువురు మున్సిపల్ మాజీ చైర్మన్లు, నాయకులను పిలిచారని కౌన్సిలర్ మహంకాళి హరిశ్చంద్రగుప్తా అభ్యంతరం తెలిపారు.
ప్రొటోకాల్ ప్రకారం తన వార్డు పరిధిలో జరుగుతున్న కార్యక్రమం సభా వేదికపైకి తనను ఆహ్వానించలేదని రైల్వే అధికారితో వాగ్వాదానికి దిగారు. పేర్లు చదువుతున్న రైల్వే అధికారి చేతిలో నుంచి పేప ర్లు లాక్కొని ముఖంపై విసిరికొట్టారు. తీవ్ర పదజాలంతో రైల్వే అధికారిని దు ర్భాషలాడారు. ఎంపీ కోమటిరెడ్డి వెంకట్రెడ్డి వేదికపై ఉండగానే బీజేపీ, కాం గ్రెస్ శ్రేణులు గొడవపడ్డాయి. పోలీసుల జోక్యంతో గొడవ సద్దుమణిగింది.