హైదరాబాద్, మే 16 (నమస్తే తెలంగాణ): ఐదేండ్ల ఇంటిగ్రీటెడ్ లా కోర్సుతో పాటు మూడేండ్ల లా కోర్సులకు గత ఏడాది కంటే ఈ సారి భారీ గా దరఖాస్తులొచ్చాయి. దీంతో జూన్ 3న రెండు విడతలకు బదులుగా మూడు విడతలుగా పరీక్షలు నిర్వహించనున్నట్టు సెట్ కన్వీనర్ ప్రొఫెసర్ బీ విజయలక్ష్మి తెలిపారు. ప్రతి సెషన్ కూడా గంటన్నర పాటు నిర్వహిస్తామన్నారు.
లాసెట్ పరీక్షలు గ తంలో మాదిరిగా కంప్యూటర్ బేస్డ్ ఆన్లైన్ టెస్ట్ (సీబీటీ) విధానంలో నిర్వహించనున్నట్టు గురువారం ప్రకటన విడుదల చేశారు. లాసెట్, పీజీలాసెట్కు రూ.2000 ఆలస్య రుసుముతో ఈనెల 20వరకు దరఖాస్తుకు గడువు ఉందన్నారు. లాసెట్, పీజీలాసెట్తో కలిపి మొత్తం 49,671 దరఖాస్తులు ఆన్లైన్ ద్వారా స్వీకరించినట్టు సెట్ కన్వీనర్ తెలిపారు. గతేడాది కంటే ఈ సారి 5,967 మంది అభ్యర్థులు అధికంగా దరఖాస్తు చేసుకున్నట్టు చెప్పారు.