హైదరాబాద్, జూలై 25 (నమస్తే తెలంగాణ): రాష్ట్రంలో శాంతి భద్రతల పరిరక్షణను కాంగ్రెస్ ప్రభుత్వం లైట్ తీసుకుంటుంది. అంతరంగీక రక్షణకు ఓటాన్ అకౌంట్ బడ్జెట్లో కేవలం రూ.3,349 కోట్లు మాత్రమే కేటాయించి, ఇప్పుడు పూర్తిస్థాయి బడ్జెట్లో గతంకంటే రూ.35 కోట్లు తక్కువగానే కేటాయించింది.
కేసీఆర్ గత బడ్జెట్లో రూ.9,599 కోట్ల నిధులను కేటాయించారు. అంతకుముందు బడ్జెట్లో రూ.9,315.47 కోట్లు కేటాయించారు. కాగా ప్రస్తుత కాంగ్రెస్ ప్రభుత్వం రూ.9,564 కోట్లను మాత్రమే కేటాయించింది. తమకు బడ్జెట్లో తక్కువ కేటాయించడంపై పోలీసు వర్గాలు అసహనం వ్యక్తం చేస్తున్నాయి.